ဥပဒေက မည်သို့ပင်ဆိုစေကာမူ
သိသင့်တဲ့ လိင်မှုရေးရာ ဥပဒေသ
ယောကျ်ားနှင့် မိန်းမအတူနေတဲ့အခါ ဒီအချက်တစ်ခုခုနဲ့ အကျုံးဝင်လျှင်မုဒိမ်းမှုဖြစ်သည်။ မုဒိမ်းမှု မြောက်ပါသည်။
ရာဇသတ်ကြီးဥပဒေပုဒ်မ-၃၇၅ မုဒိမ်းမှု။ယောက်ျားသည် မိန်းမနှင့် ကာမစပ်ယှက်သည့်အခါ အောက်ပါတစ်ချက်ချက်နှင့် အကျုံးဝင်လျှင် မုဒိမ်းမှုဖြစ်သည်။
( ၁ ) မိန်းမက အလိုမတူငြင်းဆန်ခြင်း ။
( ၂ ) မိန်းမက ခွင့်မပြုခြင်း ။
( ၃ ) မိန်းမက ခွင့်ပြုသော်လည်း ခွင့်ပြုရခြင်း အကြောင်းခြင်းရာမှာ- သေစေမည်-နာကျင်စေမည်ဟု ကြောက်ရွံ့၍ ခွင့်ပြုရခြင်း ။
( ၄ ) မိန်းမက ခွင့်ပြုသော်လည်း ဖြစ်ခြင်းအကြောင်းခြင်းရာကို အယူအဆလွဲ၍ ခွင့်ပြုရခြင်း ။
( ၅ ) ခွင့်ပြုသည်ဖြစ်စေ ၊ ခွင့်မပြုသည်ဖြစ်စေထိုမိန်းမသည် အသက် (၁၆) နှစ်အောက် ငယ်ခြင်း ။
ရှင်းလင်းချက် – ဒီဥပဒေမသိတဲ့ ယောက်ျားတချို့ကပြောကြတယ်….ကိုယ်တရားဝင် မင်္ဂလာဆောင်ပီးယူထားတဲ့ မိန်းမကိုတောင် “ကိုယ့်ဇနီးပဲ / ကိုယ့်မိန်းမပဲ/ကိုယ့်မယားပဲ” ကိုယ်လုပ်ချင်သလို လုပ်လို့ရတယ်….ကိုယ့်မိန်းမကို ကိုယ်လုပ်တာ ဘာဖြစ်လဲ ? ဘယ်သူ့ကို စောက်ခရုစိုက်စရာလိုလို့လဲတဲ့…”
ရှင်းပြမယ် –
နံပါတ် ( ၁ ) မိန်းမက သဘောမတူပဲ ငြင်းနေရဲ့သားနဲ့လုပ်ရင် ဒါ မုဒိမ်းမှုကို ကျူးလွန်တာပါပဲ။
နံပါတ် ( ၂ ) မိန်းမက ခွင့်မပြုဘူး မလုပ်ဖို့တားတဲ့ကြား လုပ်ရင်မုဒိမ်းမှုကို ကျူးလွန်တာပါပဲ။
နံပါတ် ( ၃ ) မိန်းမက ခွင့်ပြုတယ် ဒါပေမဲ့ သူစိတ်ထဲမှာတော့သဘောမတူဘူး။ မင်းကို ကြောက်လို့တာ ခွင့်ပြုလိုက်ရတယ် ဆိုရင်လည်း မုဒိမ်းမှု ကျူးလွန်တာပါပဲ။ ဥပမာ – ဟိုက သဘောမတူဘူးလို့ ငြင်းတော့ မင်းက ပြောပီလေ ။ ပြောသလို လုပ်မလား မလုပ်ဘူးလား မလုပ်ရင် သတ်မယ်/ ဖြတ်မယ် မင်းခန္ဒာကို အရိုးတွေ ချိုးပစ်မယ် ဓား/သေနတ် လက်နက်တွေ သုံးပီး ချိန်းခြောက် ပီးမရရအောင် သူမကို ကြံစည်ရင် ဒါမုဒိမ်းမှုကိုကျူးလွန်နေတာပါပဲ။
နံပါတ် ( ၄ ) မိန်းမက ခွင့်ပြုတယ် ဒါပေမဲ့ လူမှားပီး ခွင့်ပြုတယ်ဆိုရင်မုဒိမ်းမှုကို ကျူးလွန်လိုက်တာပါပဲ။
ဥပမာ – ထွေးညို နဲ့ သာဒင် လင်မယား ( ၂ ) ယောက်ဆိုပါတော့။ ထွေးညိုက နေ့မှာ ပင်ပန်းထားတဲ့ အလုပ်ကိစ္စတွေကြောင့် မောမောပန်းပန်းနဲ့ အိပ်နေတယ် ။သာဒင်ကလည်း အဲညမှာ အလုပ်ကိစ္စကြောင့် အိမ်ပြန်မလာဘူး။
“အဲဒီအချိန်မှာ “မြမောင် ” က “သာဒင်” ဟန်ဆောင်ပီး”ထွေးညို”ကို လုပ်နေတယ်ဆိုပါတော့ ။
” ထွေးညို” ကလည်း သူခင်ပွန်း “သာဒင်” လို့ ထင်မှတ်ပီးခွင့်ပြုတယ်ဆိုပါတော့ ။
ကိစ္စတွေလည်း ပီးရော “ထွေးညို” မျက်စိဖွင့်ကြည့်လိုက်တော့ သူ့ခင်ပွန်း ” သာဒင်” မဟုတ်ဘဲ “မြမောင်”ဖြစ်နေတယ် (ကိစ္စမပီးခင်သိရင်လည်း မုဒိမ်းမှုပဲ။
ဒါဆို “မြမောင်”က မုဒိမ်းမှုကို ကျူးလွန်လိုက်တာပါပဲ။
“သူ့လင်ထင်မှတ်လို့ သူခွင့်ပြုလိုက်တာလေ….”
နံပါတ် ( ၅ ) ခွင့်ပြုပြု မပြုပြု….မိန်းမက အသက် (၁၆) နှစ်အောက် ဖြစ်နေရင် မုဒိမ်းမှုကို ကျူးလွန်တာပါပဲ”မိန်းကလေးတွေကို လိုရင်း ပြောလိုက်မယ်” “မင်းတို့ခွင့်မပြုပဲ အတင်းအဓမ္မလုပ်တဲ့ ယောက်ျားကိုမင်းတို့ သဘောမတူဘူးဆိုရင် ရဲစခန်းလာတိုင်ပါ…..” Welcome ! ကြိုဆိုလျက်ပါ။
ယောက်ျားဖြစ်ဖြစ် ၊ ချစ်သူဖြစ်ဖြစ် ၊ ဘယ်သူ ဖြစ်ဖြစ်သဘောမတူပဲလုပ်ရင် လာခဲ့ ရဲစခန်း ရာဇသတ်ကြီးဥပဒေပုဒ်မ – ၃၇၆ “မုဒိမ်းမှုအတွက် ပြစ်ဒဏ် ” မည်သူမဆို စုံစမ်းစစ်ဆေး၍ မုဒိမ်းမှုကျူးလွန်ကြောင်းပေါ်ပေါက်ပါကထောင်ဒဏ် (၁၀) နှစ် ငွေဒဏ် ဒဏ် ( ၂ ) ရပ်စလုံး ချမှတ်ရမည်။
ရာဇသတ်ကြီးဥပဒေပုဒ်မ – ၃၇၇ “ဓမ္မတာနှင့် ဆန့်ကျင်သော ကာမစပ်ယှက်မှု”မည်သူမဆို (ကျား/ မ) ယောက်ျားနှင့်ဖြစ်စေ….မိန်းမနှင့် ဖြစ်စေ….တိရိစ္ဆာန်နဲ့ ဖြစ်စေ….မိမိအလိုအလျောက် ဓမ္မတာနှင့် ဆန့်ကျင်သော ကာမစပ်ယှက်မှုကို ပြုလျှင် ထောင်ဒဏ် (၁၀) နှစ် ငွေဒဏ် ဒဏ် ( ၂ ) ရပ်စလုံး ချမှတ်ရမည်။
မှတ်ချက် ။ ။ နှစ်ဦးစလုံး တရားခံအဖြစ်တရားစွဲတင်ရမည် ။သတိထား!”ကျား”အချင်းအချင်း ပူးတဲ့လူတွေ / “မ”အချင်းချင်းပူးတဲ့လူတွေ….ဖော်ပြပါ ဆန့်ကျင်ဖက် ပူးတဲ့လူတွေ….စုံစမ်းစစ်ဆေးလို့ ပြစ်မှုပေါ်ပေါက်ရင် ထောင်ဒဏ် (၁၀) နှစ်ပဲ။ ဒီ ဥပဒေအကြောင်းကို တစ်ယောက်နဲ့တစ်ယောက် မသိတဲ့လူတွေကို ပြန်လည် နားချခြင်းဖြင့်ကူညီပါ။
အားလုံးကို ကျေးဇူးတင်ပါတယ်….။
.................................................................................................
အခုခေတ်မှာတော့ လိင်နဲ့ ပက်သတ်ပြီး အမျိုးမျိုး အစမ်းထွင် ခံစားသာယာနေကြပြီ ဖြစ်ရာ .... တရားရုံးတွင် တရားသူကြီးက အမိန့် မချမှတ်ခင် လေရှည်ပြီးနောက်..... ဥပဒေက မည်သို့ပင်ဆိုစေကာမူ ..... ဥပဒေက မည်သို့ပင်ဆိုစေကာမူ ဆိုတဲ့ စကားလုံးလေးကိုသာ ကြားယောင်မိပါတော့တယ်။
