လိင်စိတ်ဆန္ဒကို ပြန်လည် တက်ကြွလာစေမယ့် အလေ့အကျင့် ၁၅ ခု

  လိင်စိတ်ဆန္ဒကို ပြန်လည် တက်ကြွလာစေမယ့် အလေ့အကျင့် ၁၅ ခု

ကျန်းမာပျော်ရွှင်သော လိင်မှုဘဝလမ်းညွှန်

လိင်စိတ်ဆန္ဒနည်းတယ်ဆိုတာ ချစ်သူ လင်မယားတွေကြားမှာတော့ ပုံမှန်လို့ပဲ ပြောနိုင်ပါတယ်။ ၃၀ ရာခိုင်နှုန်းသော မိန်းမတွေနဲ့ ၁၅ ရာခိုင်နှုန်းသော ယောက်ျားတွေဟာ အဲဒီအခြေအနေကို ကြုံတွေ့နေကြပါတယ်။ နဂိုလိင်စိတ်ကို ပြန်ရနိုင်မယ့် လွယ်ကူရိုးရှင်းတဲ့ အချက် ၁၅ချက်ကို ဖော်ပြပါ့မယ်။

များများ ချိန်းတွေ့ပေးပါ။

ပိတ်ရက်တွေမှာ အိမ်မှာမနေပါနဲ့။ အဲဒါက သင့်လိင်စိတ်ကို လျော့နည်းစေပါလိမ့်မယ်။ အိမ်မှာနေမယ့် အစား စားသောက်ဆိုင် တစ်ဆိုင်မှာ ချိန်းတွေ့ပြီး ရိုမန်တစ်ဆန်တဲ့ ညတစ်ညကို ဖန်တီးလိုက်ပါ။ အချစ်စိတ်တွေနဲ့ ပြည့်နှက်နေတဲ့ ပတ်ဝန်းကျင်တစ်ခုက သင့်လိင်စိတ်ကို ပြန်လည် မြင့်မားစေပါလိမ့်မယ်။

တားဆေး ပြောင်းသုံးပေးပါ။

တားဆေးတွေကြောင့် ဟော်မုန်းပြောင်းလဲခြင်းက တက်စတိုစတီရုန်းဟော်မုန်းကို နည်းစေခြင်းအားဖြင့် လိင်စိတ်ကို လျော့နည်းစေပါလိမ့်မယ်။

အခြားဆေးတွေကြောင့်လား ဆန်းစစ်ကြည့်ပါ။

သင်လိင်စိတ်နည်းနေပြီဆိုရင်တော့ သွေးတိုး၊ စားချဉ့်ပြန်ရောဂါ ၊ စိတ်လှုပ်ရှားခြင်းနှင့် စိတ်ဓာတ်ကျခြင်း တို့အတွက် ပေးထားသော ဆေးများကြောင့် ဖြစ်နိုင်ပါတယ်။ ထိုအတွက် ဆရာဝန်ကို မေးမြန်းအကူအညီတောင်းနိုင်ပါတယ်။

အိမ်အလုပ်တွေကို အညီအမျှ ခွဲလုပ်ပါ။

ရုံးအလုပ်နဲ့ အိမ်အလုပ်တွေကြောင့် သင့်လိင်စိတ်ကို ထိခိုက်မခံပါနဲ့။ ကိုယ့် ချစ်သူနဲ့ အိမ်အလုပ်တွေ ညီညီမျှမျှ ခွဲလုပ်သင့်ပါတယ်။ အဲဒါမှ နှစ်ယောက်လုံး အချိန်ကော အင်အားပါ ရှိမှာပါ။

အခန်းကို ရိုမန်တစ်ဆန်အောင် လုပ်ပါ။

ကလေး၊ ခွေးနဲ့ ကြောင်တွေကြောင့် ပေပွနေတဲ့ အခန်းက သင့်တို့ရဲ့ အခိုက်အတန့်ကို ဖျက်စီးပစ်နိုင်ပါတယ်။ လိင်မဆက်ဆံခင်မှာ အခန်းကို ရိုမန်တစ်ဆန်အောင် ဆွဲဆောင်မှုရှိအောင် ပြင်ဆင်ထားရပါမယ်။

ပျော်ပါးကြမယ့် အချိန်ကို သင့် အချိန်ဇယားထဲ ထည့်ထားပါ။

အလုပ်နဲ့ပတ်သက်ပြီး ချိန်းတာတို့ အစည်းအဝေးတို့ လျောက်လည်တာတို့လို အတူနေရမယ့်အချိန်ကိုလည်း အချိန်ဇယားထဲမှာ ထည့်သွင်းထားပါ။ အချိန်ဇယားနဲ့ စီစဉ်ထားမယ်ဆိုရင်တော့ သင်တို့နှစ်ယောက် တစ်ယောက်ကိုတစ်ယောက် စိတ်မကောင်းပါဘူးလို့ ပြောစရာအကြောင်းတွေ မရှိတော့ဘူးပေါ့။

ချောဆီသုံးပါ။

ဆက်ဆံစဉ်မှာ နာကျင်ခြင်းဟာ ကောင်းတဲ့ အတွေ့အကြုံတော့ မဟုတ်ပါဘူး။ မွေးလမ်းကြောင်းခြောက်သွေ့ခြင်းက တရားခံပါ။ သာယာတဲ့ ဆက်ဆံခြင်းဖြစ်စေဖို့ ဆီလီကွန်အခြေခံ ချောဆီ ဒါမှမဟုတ် မွေးလမ်းကြောင်း အစိုဓာတ်ထိန်း Moisturizer ကို အသုံးပြုနိုင်ပါတယ်။

မဆက်ဆံခင် စိတ်ကို ဖြေလျော့ပေးပါ။ စိတ်ဖိစီးမှု မရှိအောင်လုပ်ပါ။

စိတ်ဖိစီးမှုက သင့်ရဲ့ လိင်စွမ်းရည်အတွက် ဆိုးကျိုးတွေကို ဖြစ်စေပါတယ်။ ရေနွေးနဲ့ ရေချိုးခြင်း၊ လက်ဖက်ရည် သောက်ခြင်း၊ စိတ်ကို ဖြေလျော့ထားခြင်းတွေက မဆက်ဆံခင်မှာ စိတ်ဖိစီးမှုတွေကို ပျောက်စေပါလိမ့်မယ်။

ကျန်းမာစွာ စားသောက်ပါ။

အသီးအရွက်တွေနဲ့ ကျန်းကျန်းမာမာ စားသောက်ခြင်းက သွေးစီးဆင်းမှုကို ကောင်းစေပြီး ကိုလက်စ်ထရောကို ကျစေပါတယ်။ လိင်စိတ် အထွတ်အထိပ်ရောက်ဖို့ ပိုမိုလွယ်ကူသွားတာကို တွေ့ရပါလိမ့်မယ်။

သဘာဝ ကာမအားတိုးဆေး စားပါ။

ထောပတ်သီး၊ မက်မွန်သီး၊ စတော်ဘယ်ရီသီး၊ ကမာကောင် စတာတွေက ဗီတာမင်နဲ့အခြားသော အာဟာရတွေ ပါဝင်ကြပါတယ်။ ယင်းတို့က သင့်ရဲ့လိင်စိတ်ကို ပြန်လည် တက်ကြွစေပါလိမ့်မယ်။

ချစ်သူလင်မယားချင်း ဆက်ဆံရေး ကောင်းမွန်သလား ကြည့်ပါ။

လိင်စိတ်လျော့နည်းခြင်းက နှစ်ယောက်သား အဆင်မပြေတာကြောင့် ဖြစ်ပါတယ်။ ကိုယ့်အဖော်နဲ့ အဆင်ပြေလား နှစ်ယောက်သား တစ်သားထဲ ဖြစ်ရဲ့လားဆန်းစစ်ကြည့်ပါ။ သင်တို့နှစ်ယောက် ဆက်ဆံရေးအဆင်မပြေပါက ကျွမ်းကျင်ပညာရှင်ရဲ့ အကူအညီယူနိုင်ပါတယ်။

နှစ်ယောက် အတူ ခရီးတစ်ခုထွက်ကြည့်ပါ။

နှစ်ယောက်အတူတူ လုပ်ဆောင်နိုင်မယ့် အလုပ်တစ်ခုခု ဒါမှမဟုတ် ဝါသနာတစ်ခုခုကိုရှာပါ။ ယင်းသို့ပြုလုပ်ခြင်းက သင်တို့နှစ်ယောက်ရဲ့ အချစ်တွေ တစ်ယောက်အပေါ်တစ်ယောက်ခံစားချက်တွေနဲ့ လိင်ဆက်ဆံခြင်းတွေကို တိုးတက်လာစေမှာပါ။

မကြာမခဏ လေ့ကျင့်ခန်းလုပ်ပါ။

ပုံမှန် အားကစားလုပ်ခြင်းက စိတ်ပူပင်သောကတွေ ကိုလျော့နည်းစေပါလိမ့်မယ်။ သွေးလည်ပတ်မှုကောင်းစေပါလိမ့်မယ်။ လိင်မှုကိစ္စမှာ ကောင်းကျိုးရရှိစေပါလိမ့်မယ်။

မိမိခန္ဓာကိုယ်ကို ဂရုစိုက်ပေးပါ။

လိင်စိတ်နည်းခြင်းက အခြားရောဂါတွေရဲ့ လက္ခဏာတွေလည်း ဖြစ်နိုင်ပါတယ်။ ကိုယ်အလေးချိန်ကျခြင်း အရေပြားခြောက်သွေ့ခြင်း အမွေးကျွတ်ခြင်းနဲ့ ပင်ပန်းနွမ်းနယ်ခြင်းများအပါအဝင် အခြားခန္ဓာကိုယ်ရဲ့ အပြောင်းအလဲတွေကို ဂရုစိုက်ပေးပါ။ ယင်းလက္ခဏာတွေ တွေ့နေပြီဆိုရင်တော့ ဆရာဝန်ကို ချက်ချင်းပြပေးပါ။

ဆရာဝန်နဲ့ တိုင်ပင်ကြည့်ပါ။

အထက်ဖော်ပြပါ အချက်များကို ကြိုးစားကြည့်ခဲ့သော်လည်း လုံလောက်တဲ့ လိင်စိတ် မရသေးပါက ဆေးဝါးအချို့က ကူညီပေးနိုင်ပါလိအ့်မယ်။ ဆရာဝန်နဲ့ ပြတဲ့အခါမှာ သင့်ကို စစ်ဆေးပြီး သင့်တော်တဲ့ ဆေးကုသမှုကို စီစဉ်ပေးပါလိမ့်မယ်။

သင့်လိင်စိတ် ပြန်လည် တက်ကြွလာအောင် တစ်နည်းမဟုတ်တစ်နည်းတော့ လုပ်ပေးနိုင်ပါတယ်။ ဒါကြောင့် စိတ်မပူသင့်ပါဘူး။ စိတ်အေးအေးထားပြီး အထက်ဖော်ပြပါ နည်းလမ်းတွေနဲ့ ကြိုးစားကြည့်ပါ အပြောင်းအလဲကို ခံစားရမှာပါ။

ကျန်းမာပျော်ရွှင်သော လိင်မှုဘဝလမ်းညွှန်

စအိုနဲ့ လိင်ဆက်ဆံ ခြင်းကြောင့် ဘာတွေဖြစ်နိုင်သလဲ

  စအိုနဲ့ လိင်ဆက်ဆံ ခြင်းကြောင့် ဘာတွေဖြစ်နိုင်သလဲ

ကျန်းမာပျော်ရွှင်သော လိင်မှုဘဝလမ်းညွှန်

စအိုနဲ့ လိင်ဆက်ဆံ ခြင်းကြောင့် ဘာတွေဖြစ်နိုင်သလဲ ဆိုတာလည်း အမျိုးသားတွေအတွက်ရော အမျိုးသမီးတွေ အတွက်ပါ သိထားသင့်တဲ့ အချက်တွေပါပဲ။

လေ့လာချက်တစ်ခုအရ အမျိုးသားချင်း လိင်ဆက်ဆံသူများရဲ့ ၉၀ ရာခိုင်နှုန်းနှင့် လိင်စိတ်နိုးကြွတဲ့ အမျိုးသမီးများရဲ့ ၅ ရာခိုင်နှုန်းမှ ၁၀ ရာခိုင်နှုန်းအထိဟာ စအိုကတစ်ဆင့် လိင်ဆက်ဆံခံရတာကို ကြိုက်နှစ်သက်ကြပါတယ်။

စအိုနဲ့ လိင်ဆက်ဆံ ခြင်းဆိုတာ ဘာလဲ

အမျိုးသားရဲ့ လိင်တံကို စအိုထဲ ထိုးသွင်းပြီး ဆက်ဆံတာကို ခေါ်တာပါ။ စအိုဆိုတာ အာရုံကြောများ ပြည့်နှက်နေတဲ့ နေရာတစ်ခုဖြစ်လို့ ဒီလိုဆက်ဆံမှုပုံစံဟာ ကျန်းမာရေးအရ ထိခိုက်စေနိုင်တာတွေ ရှိပါတယ်။ စအိုဟာ အဆက်ဆံခံရသူအတွက် လိင်မှုဆိုင်ရာ ခံစားမှုတွေ ပေးနိုင်တဲ့နေရာဖြစ်သလို၊ ထိုးသွင်းဆက်ဆံသူအတွက်လည်း တင်းကြပ်မှုကို ပေးစွမ်းနိုင်ပါတယ်။ တချို့သောလူတွေအတွက် စအိုကတစ်ဆင့် ဆက်ဆံခြင်းဟာ အဆင်ပြေတယ်ဆိုပေမယ့် သေသေချာချာ ဂရုစိုက်ရမယ့်အချက်တွေလည်း ရှိပါတယ်။

စအိုမှ လိင်ဆက်ဆံ ခြင်းဟာ ဘေးကင်းရဲ့လား

စအိုကတစ်ဆင့် ဆက်ဆံခြင်းဟာ လိင်ဆက်ဆံနည်းအားလုံးထဲမှာ ကျန်းမာရေးအရ အန္တရာယ်အများဆုံး ဖြစ်ပါတယ်။

၁။ မိန်းမကိုယ်လို မဟုတ်ဘဲ စအိုမှာ သဘာဝအရ ထွက်တဲ့ ချောဆီမရှိပါဘူး။ ဒါကြောင့် ထိုးသွင်းဆက်ဆံမယ်ဆိုရင် စအိုမှာ ထိခိုက်ဒဏ်ရာတွေ ရနိုင်ပြီး အဲဒီကတစ်ဆင့် ဘက်တီးရီးယားတွေ၊ ဗိုင်းရပ်စ်တွေ ဝင်လာနိုင်ပါတယ်။ HIV ပိုးလို လိင်ကတစ်ဆင့် ကူးစက်တဲ့ ရောဂါပိုးတွေလည်း ကူးစက်နိုင်ပါတယ်။ စအိုကတစ်ဆင့် လိင်ဆက်ဆံခံရသူဟာ မိန်းမကိုယ်ကတစ်ဆင့် ဆက်ဆံခံရသူထက် HIV ပိုးကူးစက်ခံရနိုင်ချေ အဆ(၃၀) ပိုများတယ်လို့ တွေ့ရှိချက်တွေက ဆိုထားပါတယ်။ ချောဆီတစ်မျိုးမျိုး သုံးမယ်ဆိုရင်တော့ အထိုက်အလျောက် အဆင်ပြေနိုင်ပြီး ရာနှုန်းပြည့်တော့ ထိခိုက်ဒဏ်ရာတွေကို ကာကွယ်နိုင်မယ် မဟုတ်ပါဘူး။

၂။ အဲဒီအပြင် စအိုအတွင်းနေရာတွေဟာ ပြင်ပအရေပြားထက်စာရင် ပိုပြီး နူးညံ့ပြီး ထိခိုက်လွယ်တာကြောင့် စုတ်ပြဲနိုင်ချေ၊ ရောဂါပိုးဝင်နိုင်ချေ ပိုများပါတယ်။

၃။ စအိုနေရာဟာ မစင်များနဲ့ ထိတွေ့နေရတဲ့နေရာတစ်ခု ဖြစ်ပါတယ်။ စအိုနေရာမှာ ကြွက်သားတစ်ခု ရှိပြီး အဲဒီကြွက်သားကို ကျုံ့ထားလိုက်ရင် မစင်တွေအပြင်ထွက်မသွားအောင် ထိန်းထားလို့ရပါတယ်။ အဲဒီကြွက်သား ကျုံ့ထားတဲ့အချိန်ဆို စအိုကတစ်ဆင့် ဆက်ဆံရတာဟာ အဆင်မပြေပါဘူး။ ထပ်ကာထပ်ကာ စအိုကတစ်ဆင့် ဆက်ဆံမှုပြုတဲ့အခါမှာတော့ အဲဒီကြွက်သားဟာ တဖြည်းဖြည်း အားနည်းလာပြီး အထဲက မစင်တွေကို ထိန်းထားနိုင်စွမ်း လျော့လာတတ်ပါတယ်။ ဒီအခါ မစင်စွန့်ဖို့ မထိန်းနိုင်တော့တာတွေ၊ ထွက်ကျတာတွေ ရှိလာနိုင်ပါတယ်။ Kegel exercise လို့ခေါ်တဲ့ လေ့ကျင့်ခန်းမျိုးတွေ လုပ်ပြီး ကြွက်သားတွေ ပြန်သန်စွမ်းလာအောင်တော့ လေ့ကျင့်လို့ ရပါတယ်။

၄။ စအိုဟာ ဘက်တီးရီးယားပိုးတွေနဲ့ ပြည့်နေပါတယ်။ ဒါကြောင့် လိင်ကတစ်ဆင့် ကူးစက်တဲ့ရောဂါတွေ မကူးပါဘူးဆိုရင်တောင် စအိုထဲမှာ ရှိနေတဲ့ ဘက်တီးရီးယားပိုးတွေတော့ ကူးစက်ခံရနိုင်ပါတယ်။ စအိုနဲ့ ဆက်ဆံပြီးမှ မိန်းမကိုယ်ကတစ်ဆင့် ဆက်ဆံမယ်ဆိုရင်တော့ အဲဒီရောဂါပိုးတွေဟာ မိန်းမကိုယ်နဲ့ ဆီးလမ်းကြောင်းကိုပါ ကူးစက်သွားနိုင်ပါတယ်။

တခြားသော အန္တရာယ်များ

စအိုကတစ်ဆင့် လိင်ဆက်ဆံခြင်းကြောင့် တခြားပြဿနာတွေလည်း ရှိနိုင်ပါတယ်။ စအိုနဲ့ဆက်ဆံပြီး ပါးစပ်နဲ့ ထပ်ဆက်ဆံမယ်ဆိုရင် အသားရောင်အသားဝါပိုးတွေ၊ ရေယုန်တွေ၊ HPV ပိုးတွေနဲ့ တခြားသောပိုးတွေ ကူးစက်ခံရနိုင်ပါတယ်။

သိပ်အဖြစ်များပေမယ့်လည်း စအိုကတစ်ဆင့် ဆက်ဆံခြင်းကြောင့် ပြင်းထန်တဲ့ ထိခိုက်ဒဏ်ရာတွေလည်း ရနိုင်ပါတယ်။ စအိုကွဲသွားတာ၊ လိပ်ခေါင်းကို ထိမိတာတွေကြောင့် သွေးတွေအလွန်အကျွံ ထွက်လာရင်တော့ အရေးပေါ်အခြေအနေအဖြစ် ဆေးရုံဆေးခန်း သွားသင့်ပါတယ်။ ခွဲစိတ်တာ၊ ပိုးသတ်ဆေးသောက်တာ၊ စတဲ့ ကုသမှုများနဲ့ ဆေးရုံတက်ဖို့ လိုကောင်းလိုနိုင်ပါတယ်။

အဲဒီလိုပြဿနာတွေ မဖြစ်အောင် ဘယ်လိုလုပ်မလဲ

အကောင်းဆုံးနည်းလမ်းကတော့ စအိုကတစ်ဆင့် လိင်ဆက်ဆံခြင်း မပြုကြဖို့ပါပဲ။ ဘယ်လိုမှ ရှောင်လို့မဖြစ်ပါဘူးဆိုတောင် ကွန်ဒုံးသုံးပြီး ဆက်ဆံခြင်းက ရောဂါကူးစက်မှုတွေကနေ ကာကွယ်ပေးနိုင်ပါတယ်။

လုပ်ဆောင်သင့်တဲ့ အချက်အချို့ကတော့

၁။ စအိုထဲ ထိုးသွင်းပြီးပြီဆိုရင် နောက်ကွန်ဒုံးအသစ် မလဲဘဲ ပါးစပ် ဒါမှမဟုတ် မိန်းမကိုယ်ထဲ ထိုးသွင်းဆက်ဆံခြင်း မပြုပါနဲ့။

၂။ ချောဆီအသုံးပြုခြင်းက စုတ်ပြဲမှုများကို လျော့နည်းစေပါတယ်။ Latex နဲ့ ပြုလုပ်ထားတဲ့ ကွန်ဒုံးတွေမှာတော့ ရေပါဝင်တဲ့ ချောဆီအမျိုးအစားများကို အသုံးပြုဖို့ လိုပါတယ်။

၃။ စအိုကတစ်ဆင့် ဆက်ဆံခြင်းမပြုမီ အနားယူခြင်းက စုတ်ပြဲမှုများကို သက်သာစေပါတယ်။ မဆက်ဆံခင် ရေနွေးနဲ့ ရေချိုးတာ၊ မှောက်လျက်အနေအထားနဲ့ ဆက်ဆံတာက ထိုးသွင်းမှုကို ပိုပြီး လွယ်ကူစေပါတယ်။

၄။ ဘယ်လိုမှ သက်သောင့်သက်သာ မရှိဘူးဆိုရင် စအိုနဲ့ဆက်ဆံမှုကို ရပ်လိုက်ပါ။

၅။ စအိုကတစ်ဆင့် ဆက်ဆံပြီးလို့ သွေးထွက်လာတယ်၊ စအိုနားတစ်ဝိုက်မှာ အသားလုံးလို ခံစားမိတယ်၊ တခုခု မူမမှန်တာ ထွက်လာတယ်လို့ စိတ်ထဲသံသယရှိတယ်ဆိုရင်တော့ ဆရာဝန်နဲ့ အမြန်ဆုံး ပြသဖို့ လိုပါတယ်။

ကျန်းမာပျော်ရွှင်သော လိင်မှုဘဝလမ်းညွှန်